Dis 'n vet straf! Daars nie 'n kuur daarvoor nie, die kuur is - moenie dit inkry nie!
Nou moet ek als maar als lees voor ek dit in my mond druk, en soms se iets net starch, en dan is dit gluten en ek vind dit eers tussen 20 minute tot 'n paar uur later uit deur 'n neus wat begin soos sinus en 'n ontsettende megraine! En daai megraine hou vir 72 uur!
Gluten is die stysel in barley, ray, outs, weat. As jy outs of een van die genoemde goed sou kook dan maak dit mos so 'n gladde blink sous, en dit is die gluten daai. Hulle gebruik dit in souse om dit te bind of in speserye om dit meer te maak of iets en selfs in vitamiene pille om die goed bymekaar te hou!
Nou het ek sulke pille gekoop om beter te voel en nou wil ek vrek want dit se net starch nie, soos die botteltjie vir my vertel nie, en nou weet ek dis weat starch! Nou as ek sou beter voel van die pilletjies voel ek dit nie eens nie want ek vrek van megraine.
As jy geneig is om gereeld so 'n helse kopseer soos ek te kry wat jou spiere in spasma laat gaan omdat jou liggaam nie beter weet hoe om dit te handle nie, sny maar jou gluten uit en siedaar, kopsere raak sommer weg.
Wens ek kon 'n beroep op die wereld doen om meer sorgvuldig aan te teken wat in hulle produkte is. So 'n kopseer stop 'n mense se lewe in sy spore. En as daar wel gluten free op 'n verpakking staan maak hulle dit sommer dubbel die prys, en om die koring met mielies te vervang is eintlik goedkoper as anders om.
Nou dis nie net die kop wat pla nie, die derms protesteer ook. Hulle stop ook in hulle spore of raak aan die weghol, myne stop gewoonlik. Dis waar die diagnose van my IBS vandaan kom!
So hierdie is vandag my stukkie raad aan die van my lesers wie weet wat megraine is. Julle sal die pyn en frustrasie verstaan.
Om te kook sonder gluten is maklik, jy maak maar jou eie sousies met jou mazina en gebruik baie versigtig speserye. Maar om uit te eet met gluten intollerance ontaard gewoonlik in 'n kopseer!
Ek maak my eie resepte op met gluten free meeltjies en goedjies en so oorleef ek. Ons gesin het jare terug so begin kook en eet omdat ek en Minette dieselfde probleem het, ek is net baie meer sensitief daarvoor as sy.
Ek het nou al sulke resepte boeke probeer maar dit is vreemde kos wat hulle maak en dis moeilik so ek doen dit maar op die boere manier. Ek kan tot melktert maak, koekies en al daai lekker dinge.
So omdat ek nie baie mense ken wie gebuk gaan onder hierdie ding nie se ek maar sterkte vir myself en belowe myself ek gaan niks snaaks eet of drink vir die res van my tyd nie! Net straight forward souslose dinge.
Die van julle wat als kan eet, se dankie. Die wie nie kan nie ek voel vir julle. Ek het altyd hierdie ding gehad oor mense wie nie als wil eet nie, gedink dis pure vol bollie wees, nou is ek so en dis 'n pyn ini nek! Sorry vir almal wie ek jare terug vertel het julle is vol stront en lekkerbekkig. Dis nou my beloning daarvoor ;-)
Lekker dag v almal.
Iretha
No comments:
Post a Comment